Maiatzaren 29an, ostirala, Kostan Elkarteko bazkideok berriro jantzi genituen mendiko botak. Oraingoan, Usurbil Donostiako Igara auzoarekin lotu zuen ibilaldi polit bat osatu genuen.
Ibilaldia Usurbilgo tren geltokian hasi dugu. Bertan zegoen itxaroten, Usurbil eta kalezar auzoan izango genuen gida autoktonoa (Izaskun)🙄😉
Pausoz, pauso, Usurbilgo pilotalekuko muralaz gain beste herriko hainbat xehetasun azalduz eta kalezar auzoan jaiotako pertsona garrantzitsuak ezagutuz, aldapan gora abiatu gara.
Eguraldi bikaina lagun izardirik bota gabe, beheranzko bidea hartu dugu Igarako kanpinera iristeko. Aurrerago Igeldoko igelaren ugalketa eremua ikusi dugu eta honen eta haren berriketetan Igara auzora heldu gara ia ohar gabean. Ibilaldi lasai eta atsegina izan da.
Kultura lokalaren, hiri-artearen, naturaren eta partekatutako historiaren konbinazio ezin hobea.
Argazki batzuk ikusteko, klik egin dezakezue “Galeriak”en.